Cadillac - მსუბუქი ავტომობილები (america) - გადადი ყველას სანახავად! - ავტომობილების ისტორიები - A N T I W A P


შაბ., 2016/12/10, 23:21
თქვენ შემოხვედით ვერსია და IP-ით 54.166.112.64 როგორც სტუმარი | ჯგუფი "სტუმარი"მოგესალმები მეგობარო | RSS
მთავარი | ჩემი პროფილი | რეგისტრაცია | გამოსვლა | შესვლა


             AUTO-WORLD
შემოსვლის ფორმა
ძებნა
გამოკითხვა
შეაფასე საიტი
სულ შეფასებები: 59
მინი ჩატი
მეგობრები
  • შექმენი საიტი
  • ყველაფერი მასტერთათვის
  • პროგრამები ყველასთვის
  • გართობის სამყარო
  • რუნეტის საუკეთესო საიტები
  • კულინარია
  • სტატისტიკა

    საიტზეა: 1
    სასტუმრო: 1
    მომხმარებლები: 0
    მთავარი » შეტყობინებების დაფა » გადადი ყველას სანახავად! » მსუბუქი ავტომობილები (america)

    Cadillac
    ინფორმაცია | | სურათი 2010/09/24, 18:27

    ისტორია

    ამ ცნობილი მარკის დაარსების თარიღად 1902 წელს ასახელებენ, რომელმაც 17-ე საუკუნეში მოღვაწე ფრანგი მეცნიერის სერჟ კადილაკის სახელი ეწოდა. კომპანიამ დამოუკიდებლად მხოლოდ 1918 წლამდე იარსება. შემდეგ კი იგი უდიდეს ამერიკულ საავტომობილო კონცერნ "ჯენერალ მოტორსს" შეუერთდა და იქ მისთვის შესაფერისი ადგილიც დაიკავა. აღსანიშნავია ისიც, რომ სწორედ "კადილაკია" პირველი მყარსახურავიანი ავტომობილის წინამორბედი და შემქმნელი. "კადილაკი" დღემდე განაგრძობს ხალხის განცვიფრებას. მისი სახელი "უმაღლესი ხარისხის" სინონიმადაც კი მოჰყავთ, რაც შეეხება კომპანიის სლოგანს, ის ასე ჟღერს: "ცხოვრება, თავისუფლება და პაექრობა". ამ მარკის გაყიდვების უდიდესი ნაწილი ამერიკასა და კანადაში ხდებოდა, თუმცა ბოლო წლების მონაცემებით მათ არც ევროპელები ჩამორჩებიან. კადილაკი ამერიკის ყველა პრეზიდენტს ემსახურებოდა. მისი მფლობელები იყვნენ ცნობილი მსახიობები და მომღერლები.

    მთელს მსოფლიოში Cadillac-ს ნამდვილ ამერიკულ ავტომობილს უწოდებენ. იგი ნათლად ასახავს ამერიკული ავტომშენებლობის ტრადიციებსა და ადგილობრივი ბაზრის სპეციფიკას. თუმცა, Cadillac ასევე პოპულარულია თითქმის მთელს მსოფლიოში, რადგან მისი გამორჩეული სტილი გულგრილს არავის ტოვებს.
    ფორდისა და ლილანდის პირმშო
    საავტომობილო მარკების უმრავლესობას სახელი მათი დამაარსებლების გვარების მიხედვით ჰქვია. თუმცა, ეს არ ეხება განთქმულ ბრენდ Cadillac-ს, რომელსაც ასე ფრანგი ანტუან დე ლა მოტ კადილაკისათვის პატივის მისაგებად ეწოდა. მან ამერიკის ღრმა ტყეში 1701 წელს პაწია ქალაქი ვილ-დეტრუა დააარსა, რომელიც 200 წლის განმავლობაში ამერიკული ავტომშენებლობის დედაქალაქ დეტროიტად გაიზარდა.
    ახალი საავტომობილო კომპანიისათვის Cadillac-ის დარქმევა ჰენრი ლილანდის (1843-1932) იდეა იყო. ახალგაზრდობაში იგი საიარაღო ქარხანაში ინჟინრად მუშაობდა, შემდეგ, მეცხრამეტე საუკუნის ბოლოს კი საკუთარი კომპანია Leland and Faulconer დააარსა, რომელიც სხვადასხვაგვარ საწარმოო დანიშნულების ძრავებს უშვებდა. თუმცა, Cadillac-ის სათავეებთან არა ლილანდი, არამედ თვით ლეგენდარული ჰენრი ფორდი იდგა.
    ჯერ კიდევ Ford Motor Co-ს დაარსებამდე ჰენრი ფორდმა 1899 წელს შექმნა Detroit Autobobile Co, რომელსაც ორი წლის შემდეგ Henry Ford Co ეწოდა. საქმე ცუდად არ მიდიოდა, მაგრამ ერთი წლის შემდეგ ფორდი სხვა ინვესტორებს წაეჩხუბა და კომპანია მიატოვა. ინვესტორებმა ლილანდს მიმართეს და სთხოვეს ფირმის ლიკვიდაციის მიზნით დანადგარები შეეფასებინა. მაგრამ ლილანდმა ისინი დაარწმუნა კომპანია არ დაეხურათ, სათავეში ჩაუდგა მას და Cadillac-იც უწოდა.
    ამ მარკის პირველი ავტომობილი 1902 წელს აიწყო და ერთი წლის შემდეგ კი მისი სერიული წარმოებაც დაიწყო. 1905 და შემდეგ წლებში კიდევ რამდენიმე მოდელი აიწყო. მათ შორის გახლდათ სატვირთო ავტომობილიც. ახალი მარკის ავტომობილები სულ უფრო პოპულარული ხდებოდა. საიარაღო ქარხნებში მუშაობის გამოცდილებამ ლილანდს საავტომობილო წარმოებაში სტანდარტიზაციის დანერგვის აუცილებლობა უკარნახა. 1908 წლიდან მან ეს მიზანი წარმატებით განახორციელა.
    დიურანტის საკუთრება
    1909 წელს Cadillac შეიძინა General Motors-ის დამაარსებელმა, განთქმულმა ბილი დიურანტმა. ასე რომ, ლილანდის პირმშო კონცერნის მფლობელობაში გადავიდა, თუმცა, ორგანიზაციულად ცალკე კომპანიად დარჩა. ლილანდმა კი მისი პრეზიდენტის და მმართველის პოსტი შეინარჩუნა. სწორედ ამ პერიოდში აიწყო ახალი, ძლიერი ძრავის მქონე მოდელი Cadillac 30, რომელიც მთელი შვიდი წლის განმავლობაში იწარმოებოდა და დიდი პოპულარობით სარგებლობდა.
    აღსანიშნავია, რომ 1912 წლიდან ამ მოდელზე პირველად ისტორიაში ელექტროსტარტერი დააყენეს. ამასთან, ავტომობილის ელექტროობა ინტეგრირებული სქემის მიხედვით გაკეთდა, როგორსაც თანამედროვე ავტომშენებლობაში იყენებენ.
    1915 წელს გამოვიდა ახალი მოდელი Cadillac 51, რომელიც 8 ცილინდრიანი ძრავით იყო აღჭურვილი. ამ ტიპის ძრავზე გადასვლა ნიშნავდა, რომ კომპანია აქცენტს ლუქს კლასის ავტომობილების ბაზარზე დამკვირდერაბისაკენ ისწრაფვოდა. იმ პერიოდში ხომ ცილინდრების რაოდენობის გაზრდა ხმაურისა და ვიბრაციის შემცირების ერთადერთი საშუალება იყო.
    1917 წელს ლილანდს და დიურანტს შორის კონფლიქტი მოხდა. პირველი მსოფლიო ომის დაწყების შემდეგ ლილანდს სურდა სამხედრო თვითმფრინავების ძრავები გამოეშვა, მაგრამ იდური პაციფისტი დიურანტი მას ამის საშუალებას არ აძლევდა. შედეგად, ლილანდმა კომპანია დატოვა.
    1927 წელს კონვეირიდან ჩამოვიდა პატარა Cadillac-ად წოდებული მოდელი La Sale, რომელიც ბაზრის შედარებით იაფასიან სეგმენტზე იყო გათვლილი. ეს მსოფლიოში პირველი ავტომობილი იყო, რომელიც პროფესიონალმა დიზაინერმა შექმნა. იგი 1940 წლამდე გამოდიოდა.
    30-იანი წლებიდან Cadillac-ის ავტომობილებზე არაერთი სიახლე დაინერგა. მათ შორის, გადაცემათა სინქრონიზირებული კოლოფი, ელექტრონული მწმენდავების მქონე მინები. სწორედ ამ სიახლეთა საშუალებით მოახერხა კომპანიამ დიდი დეპრესიის სირთულეების დაძლევა.
    არა მხოლოდ ამერიკა
    40-იანი წლები Cadillac-მა კვლავ არაერთი სიახლის დანერგვით დაიწყო. კერძოდ, პირველად მსოფლიოში გამოვიდა მოდელი სიჩქარეთა ავტომატური გადაცემის კოლოფით. აღსანიშნავია, რომ ამ კოლოფებით მეორე მსოფლიო ომისას ამერიკული ტანკები იყო აღჭურვილი. გარდა ამისა, ავტომანქანები აღიჭურვა კონდიციონერებით.
    ომის დასრულების შემდეგ კი სერიოზული რედიზაინი განხორციელდა. კეძოდ, გამოვიდა ახალი მოდელი Cadillac 60, რომელიც 50-იანი წლების ამერიკული ავტომობილის სახედ იქცა. იგი რამდენიმე მედიფიკაციით გამოვიდა და ყველა მათგანმა დიდი მოწონება დაიმსახურა. სწორედ მის ბაზაზე შეიქმნა განთქმული კაბრიოლეტი Eldorado. ამ მოდელში გამოყენებული დიზაინის ექსტრავაგანტული ელემენტები კარგა ხანს კომპანიის სავიზიტო ბარათად იქცა.
    60-იანი წლების ბოლოს Cadillac-მა გამოუშვა შედარებით კომპაქტური მოდელი Seville, რომელიც გერმანული ავტომწარმოებლებისათვის კონკურენციის გასაწევად შეიქმნა. კომპაქტურობის ტენდენცია შემდგომშიც გაგრძელდა, მასიური გაბარიტები მხოლოდ Eldorado-მ შეინარჩუნა, რომელიც 80-იან წლებში შედარებით განსხვავებული დიზაინით გამოდიოდა. ამ პერიოდში ასევე განხორციელდა Seville-ს და La Sale-ს მოდიფიცირება.
    80-იანი წლების ბოლოსა და 90-იანების დასაწყისის ჰიტი ძალზე პოპულარული მოდელი, როდსტერი Allante გახდა. 90-იანი წლების ბოლოს კი კონვეიერიდან ჩამოვიდა Cadillac-ის პირველი ჯიპი Escalade, რომელიც პიკაპის მოდიფიკაციითაც გამოვიდა.
    21-ე საუკუნის დასაწყისში Cadillac-მა რებრენდინგი განახორციელა და მას შემდეგ თავის მოდელებს იგი სამასოიან აბრევიატურებს არქმევს. ამავდროულად, კომპანიამ გადაწყვიტა არა მარტო ამერიკულ ბაზარზე გათვლილი ავტომობილები გამოეშვა და მსოფლიოს სხვადასხვა ქვეყნის ბაზარი თანდათანობით დაეპყრო. ასე რომ, შეიძლება ითქვას, ამერიკელთა საამაყო ბრენდის ახალი ისტორია ახლა იწყება.

    დაამატა: antiwap |
    ნანახია: 1003 | განთავსებულია: 2010/10/24 | რეიტინგი: 0.0/0
    სულ კომენტარები: 0
    კომენტარის დამატება შეუძლიათ მხოლოდ დარეგისტრირებულ მომხმარებლებს
    [ რეგისტრაცია | შესვლა ]
    Copyright anti © 2016